काठमाडौं । श्री एयरलाइन्सको जहाजमा आज बिहान उड्दाउड्दै समस्या आएको छ । एयरलाइन्सको एसएचए १६०१ को जहाजमा समस्या आएको हो ।

त्रिभुवन अन्तर्राष्ट्रिय विमानस्थलका प्रवक्ता सुवास झाले श्री एयरलाइन्सको जहाजको माउण्टेन फ्लाइटमा समस्या आएको बताए ।

उनले भने, ‘एयरलाइन्सको एसएचए १६०१ को माउण्टेन फ्लाइटमा समस्या आएको थियो । सो जहाजको इन्धन लिकेज भएको हो । बिहान ७ बजे जहाज उडेको थियो । जहाजको उडान ५० मिनेटको थियो । ५० मिनेटमा नै जहाज अवतरण गरेकाले त्यसलाई ठूलो समस्या भन्न मिल्दैन ।’

जहाजको दायाँ इन्जिनबाट इन्धन लिकेज भएको उनले बताए ।

काठमाडौं । अभिनेता अनमोल केसी पक्राउ परेका छन् । ठगी गरेको आरोपमा केसी पक्राउ परेका हुन् । केसीलाई भक्तपुरको साँगाबाट पक्राउ गरिएको स्रोतले बतायो ।

केसी ‘रामायण’ फिल्मका लागि दस लाख एड्भान्स लिएर साइन गरेका थिए । तर, आफूले साइन गर्दै नगरेको, फिल्ममा सम्झौता नै नभएको भनेर हिँड्दै आएपछि फिल्मकी निर्माता सुप्रिया कटुवालले प्रहरी अपराध महाशाखा बानेश्वरमा असाेज ८ गते उजुरी दिएकी थिइन् ।

त्यही उजुरीका आधारमा अभिनेता केसी पक्राउ परेका हुन् । केसीले सुदर्शन थापाको निर्देशनमा बन्न लागेको यस फिल्ममा सम्झौता गरेका थिए । तर ‘रामायण’लाई छाडेर ‘फर्की फर्की’मा केसीले काम गर्ने पक्का भएपछि आफूलाई धोका दिइएको भन्दै निर्माता कटुवालले उजुरी दिएकी थिइन् । त्यही उजुरीका आधारमा केसी पक्राउ परेका हुन् ।

काठमाडौं । शहरी विकास मन्त्रालयका सचिव रवीन्द्रनाथ श्रेष्ठले बिहीबारदेखि अनिवार्य अवकाश पाएका छन् । उनले उमेर हदका कारण अनिवार्य अवकाश पाएका हुन् ।

२०४७ सालमा खानेपानी इन्जिनियरका रूपमा निजामती सेवा प्रवेश गरेका श्रेष्ठले खानेपानी, शहरी विकास, सिंचाइ र सडक सम्बद्ध निकायमा काम गरेका छन् ।

२०६२ सालमा उपसचिवमा बढुवा भएका श्रेष्ठ २०६६ सालमा सहसचिव बनेका थिए । सडक विभागको महानिर्देशकसमेत भइसकेका उनले अख्तियार दुरुपयोग अनुसन्धान आयोगमा पनि प्राविधिक सहसचिव भएर काम गरेका थिए ।

उनले शहरी विकास मन्त्रालयसहित भौतिक पूर्वाधार तथा यातायात मन्त्रालय, सिंचाइ मन्त्रालय र राष्ट्रिय सतर्कता केन्द्रमा सचिवको जिम्मेवारी पूरा गरेका छन् ।

सचिव श्रेष्ठको अवकाशसँगै प्राविधिक (इन्जिनियरिङ सेवा)तर्फ एक जना सहसचिव रिक्त भएको छ । उनको ठाउँमा प्राविधिकतर्फकै एक जना सहसचिव सचिवमा बढुवा गर्ने सरकारको तयारी छ ।

इन्जिनियरिङतर्फ पहिलो नम्बरमा शिक्षा, विज्ञान तथा प्रविधि मन्त्रालयको विज्ञान तथा प्रविधितर्फ पारमाणविक पदार्थ व्यवस्थापन महाशाखा प्रमुख विश्वबाबु पुडासैनी पहिलो नम्बरमा छन् । उनले लामो समय गुणस्तर तथा नापतौल विभागमा महानिर्देशक भएर काम गरेका छन् ।

दोस्रो नम्बरमा भौतिक पूर्वाधार तथा यातायात मन्त्रालयमा विकास सहायता समन्वय तथा गुणस्तर महाशाखा प्रमुख रहेका अर्जुनजंग थापा छन् । उनी सडक विभागमा दोहोरिएर महानिर्देशक बनेका थिए ।

तेस्रो नम्बरमा ऊर्जा, जलस्रोत तथा सिंचाइ मन्त्रालयअन्तर्गतको जलस्रोत अनुसन्धान तथा विकास केन्द्रकी कार्यकारी निर्देशक सरिता दवाडी छिन् ।

रिक्त सचिव पदमा बढुवा गर्न लोकसेवा आयोगका अध्यक्ष माधवप्रसाद रेग्मीको अध्यक्षतामा रहेको सिफारिस समितिले तीन जना सहसचिवको नाम सिफारिस गर्नेछ । उनीहरुमध्ये एक जनालाई मन्त्रिपरिषद्ले सचिव नियुक्त गर्नेछ ।

वरिष्ठताका आधारमा दोस्रो नम्बरका रहेका सहसचिव थापा एक महिनापछि उमेर हदका कारण अनिवार्य अवकाशमा जाने भएकाले उनैलाई सचिव बढुवा गर्ने बलियो सम्भावना छ । यसअघि पनि मन्त्रिपरिषद्ले सचिव बढुवा गर्दा अनिवार्य अवकाशमा जाने तयारीमा रहेको सहसचिवलाई केही दिन भए पनि बढुवा गर्दै आएको छ ।

निजामती किताबखानाको अभिलेखअनुसार थापाले आगामी कात्तिक ६ गते अनिवार्य अवकाश पाउनेछन् । अवकाशको मुखमा पुगेका सहसचिवलाई सम्मान र पेन्सन सुविधा बढ्ने गरी सचिव बनाउने प्रचलन रहेकाले थापा नै सचिव बन्ने सम्भावना छ । तर, थापा सचिवमा बढुवा भए पनि उनले केही समयमात्रै काम गर्न पाउनेछन् ।

पुडासैनी र दवाडीले भने सचिवका रुपमा पाँच वर्षे कार्यकाल नै काम गर्नेछन् ।

विराटनगर । नेपाल उद्योग परिसंघ कोशी प्रदेशको अध्यक्षमा पवनकुमार सारडा चयन भएका छन् ।

उद्योगी सारडाको अध्यक्षतामा नेपाल उद्योग परिसंघ कोशी प्रदेशको नयाँ नेतृत्व चयन भएको हो । नयाँ नेतृत्वलाई केन्द्रीय उपाध्यक्ष भीम घिमिरेले पद हस्तान्तरण गरेका छन् ।

संघको वरिष्ठ उपाध्यक्षमा प्रकाश मुन्दडा चयन भए । नवगठित समितिमा ६ जना उपाध्यक्ष र ३ जना मानार्थ उपाध्यक्ष पद रहने व्यवस्था गरिएको छ । साधारणसभाले महिला उपाध्यक्ष पद सृजना गरेको छ ।

नवनिर्वाचित उपाध्यक्षहरूमा नवलकिशोर काबरा, देवेन्द्रप्रसाद गुप्ता, सुशील जोशी, कृष्ण अग्रवाल र गिरिजा सारडालाई रहेका छन् । मानार्थ उपाध्यक्षमा घनश्याम काबरा, रमेश राठी र ग्रिस लुनियाँ चयन भएका छन् ।

त्यस्तै कार्य समिति सदस्यहरुमा राजेन्द्र राठी, बेदान्त जाजु, कर्ण रायमाझी, डेनिस कार्की, दिवस सुवेदी, मधुर दुगड, ऋषभ दाहाल, मुकेश कोठारी, जीतेन्द्र राठी, अविद अली अंसारी, अजिता बराल, पुनित पौडेल, हरिवंश राठी, सन्नी अग्रवाल, पवन पंकज पारख, दिवाकर राठी र अजय राठी छन् ।

घिमिरे परिसंघको केन्द्रीय उपाध्यक्ष भएपछि कोशी प्रदेशमा नयाँ नेतृत्व चयन भएको हो । आफू केन्द्रीय उपाध्यक्ष भएपछि तीन महिनाभित्र पद हस्तान्तरण गर्ने भनेका घिमिरेले साधारणसभा गरेर पद हस्तान्तरण गरेका हुन् । घिमिरेको कोशी प्रदेश अध्यक्षमा कार्यकाल १ वर्ष बाँकी नै थियो ।

मोरङ व्यापार संघका पूर्वअध्यक्ष महेश जाजुलाई परिसंघको प्रमुख सल्लाहकार चयन गरिएको छ । वासुदेव गोल्यान, सुशील धनावत, सन्तोष रिजाल, शंकरलाल ग्रवाल र श्रीनिवास सारडालाई सल्लाहकार चयन गरिएको छ । राजन भगत, रीता ढकाल, महेश पौडेल, अनुप सिग्देल, सञ्जीव सिग्देल, अमित सिंघल, रजत तोदी, निखिल तोदी, प्रशान्त तातेड र भवेश राठी परिसंघको मानार्थ सदस्य चयन भएका छन् ।

साधारणसभाले अध्यक्ष सारडाको संयोजकत्वमा संरक्षण तथा भवन निर्माण समिति गठन गरेको छ ।

काठमाडौं । संघीय मामिला तथा सामान्य प्रशासन मन्त्रालयले स्थानीय तहका प्रमुख प्रशासकिय अकिृतलाई साता दिनभित्र कार्यक्षेत्रमा पुगिसक्न निर्देशन दिएको छ ।

मन्त्रालयले मन्त्रीस्तरीय निर्णय गर्दै मन्त्रालय लगायत सबै मन्त्रालयबाट विभिन्न मितिमा सरुवा भएका, पदस्पथान गरिएका, काजमा खटाइएका तथा काज फिर्ता गरिएका, कामकाज गर्न खटाइएका संघीय निजामती कर्मचारीलाई सात दिनभित्र पुगिसक्न निर्देशन दिएको हो ।

कतिपय कर्मचारी अहिलेसम्म पनि रमाना नलिएका कारण सार्वजनिक सेवा प्रवाहमा प्रत्यक्ष असर परको भन्दै कर्मचारीलाई निजामती सेवा नियमावली, २०५० को नियम ४० बमोजिम सात दिनभित्र पुगिसक्न निर्देशन दिइएको हो ।

मुस्ताङ । पदम सम्भव च्यारिटी फाउन्डेसनद्वारा सञ्चालित नालन्दा बुद्विष्ट स्कुल (गुम्बा विद्यालय)को सुविधा सम्पन्न छात्रावासको उद्घाटन भएको छ ।

मुस्ताङको थासाङ गाउँपालिका-१ स्थित टुक्चेमा अवपतारी धर्म गुरु टुल्कु ग्याङ खाङ तथा संविधानसभा सदस्य तथा लुम्बिनी विकास कोषका उपाध्यक्ष प्रथम योल्मो खेन्पो (छिमे छिरिङ) डा. ल्हारक्याल लामाको विशेष उपस्तिथिमा भवन उद्घाटन गरिएको हो ।

छात्रवासको नयाँ भवन बनेसँगै मुस्ताङलगायत पिछडिएका क्षेत्रका विद्यार्थीहरु लाभान्वित भएका छन् । विद्यार्थीहरुलाई अध्ययन गर्न थप सहज भएको भन्दै स्थानीय तथा अभिभावकहरुले खुशी व्यक्त गरेका छन् । स्कुलले सम्पूर्ण रुपले निःशुल्क शिक्षासहित छात्रावासको सुविधा दिँदै आएको छ ।

छात्रावास उद्घाटन कार्यक्रममा बोल्दै लुम्बिनी विकास कोषका उपाध्यक्ष डा.ल्हारक्याल लामाले सबै जात, धर्म, समुदाय र भूगोललाई मुस्ताङवासीले देशैभर शान्ति र एकताको सन्देश दिन सकोस् भने शुभेच्छा व्यक्त गरे ।

आफ्नै खर्चमा विद्यालय सञ्चालन गरेकोमा पदम सम्भव च्यारिटी फाउन्डेसनका अध्यक्ष खेन रिम्पोन्छे डा.मङ्गलध्वज तुलाचन र समग्र टीमलाई उनले धन्यवाद ज्ञापन गरे ।

फाउन्डेसनका अध्यक्ष खेन रिम्पोन्छे डा. तुलाचनले शान्तिको निम्ति शिक्षा अनिवार्य रहेकाले शिक्षा क्षेत्रको विकासमा आफू लागिपरेको बताए ।

कुनै विद्यालयले विद्यार्थी त, कुनै ठाउँमा विद्यार्थीले विद्यालय नपाएको देखेर आफू मर्माहत भएको भन्दै उनले दुर्गम क्षेत्रमा विद्यालय स्थापना गरेर सुनौलो शिक्षा प्रदान गर्न पाएकोमा खुशी व्यक्त गरे ।

दुई सयभन्दा धेरै विद्यार्थी रहेको विद्यालयमा भारत र नेपालका विभिन्न जिल्लाबाट औपचारिक शिक्षा अध्ययनको लागि आउने सबै जात र धर्मका विद्यार्थीले अध्ययन गर्ने गरेको प्रधानाध्यापक अवन तुलाचनले बताए ।

काठमाडौं । राष्ट्रपति कार्यालयमा कार्यरत सहसचिव शेरजङ्ग कार्कीको निधन भएको छ। ५२ वर्षका कार्कीको स्वास्थ्यमा समस्या देखिएपछि शुक्रबार बिहान नर्भिक अस्पताल पुर्‍याए पनि अस्पतालले मृत घोषणा गरेको हो ।

कार्कीलाई शुक्रबार बिहान सवा ७ बजे अस्पताल पुर्याएकोमा अस्पताल पुर्याउँदा नै उनको निधन भईसेको अस्पतालका प्रमुख कार्यकारी अधिकृत अजय मिश्रले जानकारी दिए ।

ओखलढुङ्गा स्थायी घर भएका कार्की राष्ट्रपति कार्यालयमा कानुन महाशाखामा कार्यरत थिए । ५२ वर्षीय कार्कीका श्रीमती, एक छोरा र एक छोरी रहेका छन् ।

जनकपुरधाम । सप्तरीको शम्भुनाथ नगरपालिकाका निलम्बित मेयर जितेन्द्र गुप्तासहित दुई जना भ्रष्टाचार मुद्दामा दोषी ठहर भएका छन् ।

विशेष अदालतको शुक्रबारको इजलासले मेयर गुप्ता र सोही नगरपालिकाका इन्जिनियर रामचन्द्र साहले भ्रष्टाचार गरेको ठहर गरेको हो । विशेष अदालतका न्यायाधीश यमुना भट्टराई, बलभद्र बास्तोला र डा. खुशीप्रसाद थारूको संयुक्त इजलासले उनीहरूलाई दोषी ठहर गरेको छ ।

इन्जिनियर साहलाई घुस रकमसहित अख्तियार दुरुपयोग अनुसन्धान आयोगको टोलीले पक्राउ गरेको थियो । इन्जिनियर साहको बयान र मेयर गुप्ताले घूस मागेको अडिओ फेला परेपछि गुप्तालाई पनि पक्राउ गरिएको थियो ।

अख्तियारले मेयर गुप्ता र इन्जिनियर साहविरुद्ध विशेष अदालतमा भ्रष्टाचार मुद्दा दायर गरेको थियो । उक्त मुद्दामा दोषी ठहर गर्दै दुबैलाई ६ महिना कैद र ७० हजार जरिवाना तोकिएको विशेष अदालतका प्रवक्ता धनबहादुर कार्कीले जानकारी दिए ।

काठमाडौं । अहिलेको जमाना सेल्फीको छ । सेल्फी खिचेर सोसल मिडियामा अपलोड गर्न हरेक वर्गका मानिसहरु उत्साहित देखिन्छ । यही विषयलाई समावेश गर्दै गीत तयार पारिएको छ ।

रानी शाक्य र किरण भुजेलको स्वरमा हरि उप्रेतिको शब्द, नागेन्द्र श्रेष्ठको संगीतमा ‘सेल्फी खिचौंला’ बोलको गीत सार्वजनिक गरिएको छ । यो गीतमा यूवा यूवतीविच सेल्फी खिच्ने र माया पिरती साट्ने भावलाई उठान गरिएको छ । गीतका शब्दहरु टिकटकमा हिट हुन सक्छन् ।

भिडियोमा विना राउत, सरोज प्रजा र निक्स शर्माको अभिनय हेर्न सकिन्छ । भिडियोमा ३ जनाले गज्जबको नृत्य गरेका छन् । प्रहिल कार्कीको निर्देशनमा तयार भएको यो भिडियोमा उत्तम हुमागाँइको छायांकन, सन्तोष राजबहाकको कोरियोग्राफी, राकेश दाहालको सम्पादन छ ।

सुर्खेत । नेकपा (एमाले) कर्णाली प्रदेशको नेतृत्व छनोटका लागि निर्वाचन कार्यक्रम सार्वजनिक गरिएको छ । नयाँ नेतृत्व छनोटका लागि नेताहरुबीच सहमति नजुटेपछि मतदान प्रक्रिया सुरु गरिएको हो । प्रथम प्रदेश अधिवेशन निर्वाचन कमिटिद्वारा प्रस्ताव गरेको निर्वाचन तालिका बन्दसत्रले पारित गरेको छ ।

तालिकाअनुसार अहिले ४ः३० बजेदेखि ६ः३० दरखास्त फारम भर्ने समय तोकिएको छ ।

यस्तै, शनिबार बिहान ६ः३० बजे दर्ता भएका उम्मेदवारको नामावली प्रकाशन ७ः३० बजेदेखि ८ः४५ सम्म उम्मेरदवारमाथि उजुरी उजुरी गर्ने, ९ बजे उम्मेदवारको अन्तिम नामावली प्रकाशन ९ बजेदेखि गर्ने भएको छ ।

त्यस्तै, राती ९ः३० बिहान ८ बजे उम्मेरदारी फिर्ता, ९ः३० बजे उम्मेरदवारको अन्तिम नामावली प्रकाशन र १२ः३० बजेदेखि बेलुका ६ बजेसम्म मतदान गर्ने तालिका प्रकाशन भएको प्रमुख निर्वाचन अधिकृत मातृका खनालले जानकारी दिए ।

प्रमुख खनालका अनुसार प्रदेश पदाधिकारीका लागि ५०० र प्रदेश कमिटि सदस्यका लागि ३०० रकम तोकिएको छ ।

काठमाडौं । राहतका शिक्षकहरुलाई आन्तरिक प्रतिस्पर्धामा भिड्न उमेरहद नलाग्ने भएको छ । आन्दोलनरत राहतका शिक्षकहरु र शिक्षा मन्त्रालयबीच आज भएको ५ बुँदे सहमतिमा यस्तो निर्णय गरिएको हो ।

राहत शिक्षक संयुक्त आन्दोलन परिचालन समितिले विभिन्न मागहरु राखेर आन्दोलन जारी राखेका थिए । मन्त्रालयले राहतका शिक्षक बालविकासमा कार्यरत बालसहजकर्ता, विद्यालयमा कार्यरत कर्मचारी , साविक उच्च माध्यमिक विद्यालयमा नियुक्त भई कार्यरत शिक्षकहरु, निवृत्त बञ्चित शिक्षक समुह स्थायी शिक्षक र स्थायी शिक्षक हक हितमञ्चले राखेको मागहरु सम्बोधन गर्दै मन्त्रालयले सहमति गरेको हो ।

२०७६ पछि स्थायी नियुक्ति लिएका तर लामो समय राहत तथा अस्थाई करार उच्च मावि अनुदान दरवन्दिमा कार्य गरेका शिक्षकको हकमा पेन्सनका लागि समयावधि नपुगेमा पुरानो सेवावधि जोडेर शिक्षा ऐन २०२८ को व्यवस्था अनुसार निवृत्तभरणको ब्यवस्था गर्ने सहमति भएको छ ।

यस्तै शिक्षकको सरुवाका सम्बन्धमा परीक्षण काल समाप्त भए पछि सरुवा हुने व्यवस्था गर्ने सहमति भएको छ ।

जनकपुरधाम । गौ हत्या र हिन्दूमाथि भइरहेको आक्रमणको विरोधमा हिन्दूवादी र साधु सन्तहरु जनकपुरधाममा प्रदर्शन गरेका छन् ।

जानकी मन्दिर, मिल्स एरिया, मुरली चोक लगायतका स्थानबाट हिन्दूवादी र साधु सन्तहरु शान्तिपूर्ण जुलुस निकालेका हुन् । जुलुसमा गाई (गौ माता)लाई समेत सहभागी गराइएको छ ।

साधुसन्त बाजागाजासहित भजन कीर्तन गर्दै जुलुसमा सहभागी छन् । विशाल जुलुसलाई जनकपुरधामबासी ठाउँ–ठाउँमा स्वागत गरेका छन् ।

हिन्दू राष्ट्र कायम गर, गौ हत्या गर्ने र हिन्दुमाथि आक्रमण गर्नेलाई कडा कारबाही गर, गौ माताको संरक्षण गर लगायतका नारा लगाएका छन् ।

हिन्दूमाथि आक्रमण र गौ हत्या गर्नेहरुमाथि कानूनी कारबाही नगरिए अब सिंहदरबार घेर्ने चेतावनी साधुसन्तहरुले दिएका छन् ।

काठमाडौं । नेकपा एमालेका बागमती प्रदेश कमिटीको १६२ पदमा निर्विरोध निर्वाचित भएका छन् । २४५ पदमध्ये १६२ पदमा निर्विरोध निर्वाचित भएको स्थायी कमिटी सदस्य शेरबहादुर तामाङले बताए ।

अहिले पदाधिकारीसहित ८३ र लेखा आयोग ७ पदमा निर्वाचन जारी छ । अध्यक्षमा कृष्णप्रसाद दाहाल र कैलाशप्रसाद ढुंगेल अघोषित प्यानल बनाएरै चुनावी मैदानमा छन् । दाहाल पक्षबाट उपाध्यक्षमा नुवाकोटका पूर्वसांसद नारायणप्रसाद खतिवडा, सचिवमा ललितपुरका पूर्वसांसद नवराज सिलवाल उम्मेदवार बनेका छन् । ढुंगेल पक्षबाट उपाध्यक्षमा चितवनका दावा दोर्जे लामा र सचिवमा सिन्धुपाल्चोकका हस्त पण्डित उम्मेदवार छन् ।

दाहाल पक्षबाट उपसचिवमा खुलातर्फ सिन्धुलीका खड्गबहादुर खत्री र महिलामा काभ्रेकी भक्तकुमारी लामा उम्मेदवार छन् । त्यस्तै, ढुंगेल पक्षबाट उपसचिवमा ललितपुरका प्रेम महर्जन र काभ्रेकी रिता गौतम ढकालको उम्मेदवार छन् ।

हेर्नुस् निर्विरोध निर्वाचित सदस्यहरुको जिल्लागत सूचीः

च्यासल । नेकपा एमाले बागमती प्रदेशको प्रथम प्रदेश अधिवेशनको अहिले मतदान जारी छ । हालसम्म २५० जनाले मतदान गरेको निर्वाचन समितिले जनाएको छ । अहिले च्यासल क्षेत्रमा पानी परिरहेको छ । पानीमा रुझ्दै मतदाताहरु मतदानको लागि लाइनमा उभिएका छन् ।

एक मतदाताले मतदान गर्नको लागि १५ मिनेट लाग्ने देखिएको छ । यो अवस्थामा मतदान सम्पन्न हुन रातको ८ बज्ने देखिन्छ ।

काठमाडौं । उच्च अदालत पाटनले पूर्वअरनिको यातायातको अगुवाइमा काठमाडौंको जडिबुटीमा निर्माण भएको बसपार्क नभत्काउन आदेश दिएको छ । न्यायाधीश गोकर्णको इजलासले बसपार्क नभत्काउन काठमाडौं महानगरपालिकालाई आदेश दिएको हो ।

यस्ताे छ आदेश:

काठमाडौं । आन्दोलनरत राहतका शिक्षकहरु र शिक्षा मन्त्रालयबीच सहमति भएको छ । आज दिउँसो मन्त्रालयमा बसेको बैठकबाट आन्दोलनरत शिक्षक र मन्त्रालयबीच सहमति भएको हो । बैठकमा शिक्षामन्त्री अशाेक राई,  शिक्षाराज्यमन्त्री प्रमिला कुमारी, सचिव सुरेश अधिकारी  सहभागी थिए ।

सरकारसँग सहमति भएसँगै आन्दोलनको कार्यक्रम स्थगित भएको छ । संसदमा पेश भएको विद्यालय शिक्षा विधेयकको विरोधमा देशभरको शिक्षकहरु आन्दोलित भएका थिए ।

देशभरका सामुदायिक विद्यालयका शिक्षकहरुले काठमाडौंमा केन्द्रीत भएर गत बुधबारदेखि आन्दोलनमा उत्रेका थिए । शुक्रबार सरकारले आन्दोलनको आह्रान गर्ने नेपाल शिक्षक महासंघसँग ७ बुँदे सहमति गरेपछि आन्दोलन स्थगित गरेको थियो ।

तर महासंघ र सरकारबीच भएको सहमतिमा असन्तुष्टि जनाउँदै राहतका शिक्षकहरुले आन्दोलन जारी राख्ने घोषणा गरेका थिए । उनीहरुले शनिबारदेखि माइतीघरमा आन्दोलनको कार्यक्रमलाई निरन्तरता दिएका थिए ।

आन्दोलनकै क्रममा राहतका शिक्षक ,बालविकासका शिक्षकहरु घाइते समेत भएका थिए । सरकारले  आन्दाेलन जारी राखेकाे  एक सातापछि वार्ता  गरेकाे हाे ।

काठमाडौं । सोनामले ‘यसपालिको चाड, सोनामको साथ’ छुट योजना सार्वजनिक गरेको छ । यही असोज ११ गते देखि असोज २७ गते सम्म सोनमका उत्पादनमा ७० प्रतिशतसम्म छुट पाइे भएको हो । कम्पनीले आफ्ना छानिएका वस्तुमा ७० प्रतिशतसम्म छुट पाइने जनाएको छ ।

कम्पनीका सबै आउटलेटमा लागू गरिएको अफरमा सोनाम ब्रान्डमा महिला, बालबालिका र पुरुषका ज्याकेट, ट्राउजर, सर्ट, पाइन्ट, पञ्जा, जिम भेस्ट, स्वेटर, कोट, ट्रेकिङ जाँदा लगाउने पोसाक, टेन्ट, ब्याग लगायत उत्पादन छन् ।

त्यस्तै, राजधानी उपत्यकामा ठमेलको क्वाबहाल, ठमेलकै छायाँ सेन्टर, ललितपुरको जावलाखेल कुमारीपाटी, कमलपोखरीको सिटी सेन्टर, टुसाल, चाबहिलको केएल टावर, सुन्धाराको सिभिल मल, बालाजुको बिजी मल, जडिवुटीको जडिबुटी चोक, चितवनको सिजी ल्यान्डमार्क, सुन्सरीको धरान पुतली लाइन, पोखराको लेकसाइड र न्युरोड तथा बुटवल र सुर्खेतका सोरुमहरुमा अफर सुरु भएको छ ।

विराटनगर । नेकपा एमालेका अध्यक्ष केपी शर्मा ओलीले प्रचण्ड र शेर बहादुर पटक-पटक प्रधनमन्त्री भए पनि केही नगरेको बताएका छन् । उनले उनीहरु प्रधानमन्त्री मात्रै भएको तर जनताका लागि केही नगरेको आरोप लगाए ।

उनले भने, ‘उहाँहरुले महिलाका लागि केही गर्नु भो? शिक्षामा केही गर्नु भो ? उहाँ हरुले केही गर्नु भएन ।’

उनले एमाले नेतृत्वको सरकारले ३ वर्षमा गरेको कामले दुनियाँ आश्चर्य चकित भएको बताए ।

माले कोशी प्रदेशको प्रथम अधिवेशनको उद्घाटन कार्यक्रम बोल्दै एमाले मात्रै जेष्ठ नागरिक, महिला, किशोरीहरुको समस्या बुझ्ने पार्टी भएको बताए । अशक्त अपंगता भएकाहरुलाई सम्झने एमाले मात्रै भएको भन्दै आफू नेतृत्वको सरकारेले गरेको कामको व्याख्या गरे ।

उनले आफुले गरेको कामले विरोधीहरु आत्तिएको बताए । देशको समस्या समाधान गर्न नसकेर होइन एमाले सँगमात्रै समस्या समाधान गर्ने तागत देखेर विरोधीहरु आत्तीएको दाबी गरे । उनले विरोधीहरुसँग मिलेर कम्युनिष्टको खोल ओडेर बसेकाहरुले छुरा घोपेको बताए ।

प्रचण्ड र माधब नेपालको नामै लिँदै ओलीले एमाले कम्युनिष्ट एकाता जोगाउन लागेको भए पनि कम्युनिष्टहरुको खोल ओडेकाले नेकपा पार्टी फुटाएको आरोप लगाए ।

अहिले कम्युनिष्ट एकता भनेर हिँड्दै छन् ओलीले भने, ‘अब उनीहरुलाई कसैले पत्याउँछ ? दुनियाँमा हल्ला छ अदालतले पार्टी फुटायो भन्ने पार्टी अदालतले होइन प्रचण्ड र माधव नेपालले फुटाएको हो ।’

उनले माधव नेपालको पार्टी फुटोवादी पार्टी भएको भन्दै उनीहरुको भ्रममा नपर्न आग्रह गरे ।

कोशी प्रदेशबाट शल्यक्रिया सुरु

कोशी प्रदेशमा भौगोलिक विविधता रहेको बताए । उनले वेदको र गायत्री मन्त्रको रचना पनि कोशी प्रदेशमा भएको दाबी गरे । उनले मुन्धुमको रचनासमेत कोशी प्रदेशमा भएको दाबी गरे । २८ सय वर्ष अघि चरक ऋषिले पहिलो पटक यसै प्रदेशमा शल्यक्रिया गरेको दाबी गर्दै त्यो समयपछि शल्यक्रिया गरेर बिरामीको उपचार भइरहेको बताए ।

अध्यक्ष ओलीले कोशी प्रदेश शिव र बिश्वमित्रको तपश्या गरेको भूमि भएको पनि उल्लेख गरे । ओलीले सबैभन्दा पहिला ज्ञानको सुरूवात यसै प्रदेशबाट भएको भन्दै अहिको यो प्रदेश पछि परेको बताए । उनले यस्तो पवित्र भूमिको विकासको जिम्मा एमालेको काँधमा आएको बताए ।

उनले भने, ‘सबैभन्दा पहिला मजदुर आन्दोलनको सुरूवात भएको औद्योगिक राजधानी भएको यो प्रदेशको विकास अरु राजनीतिक दलहरुले गर्छन् भनेर एमाले भाग्न सक्दैन ।’ उनले अब यस्तो ठाउँको विकास पछाडि पर्न दिन नहुने बताए । यसका लागि एमालेको अधिवेशनले यस्तै खाले नेतृत्व छान्नुपर्ने बताए । कोशी प्रदेशको राजनैतिक आन्दोलनको व्याख्या गर्दै उनले यस प्रदेशले नया चेतना फैलाउदै आएको बताए ।

उनले भने, ‘मिशन ८४ अगाडि सारेकाले हरेक ठाउँ र हरेक वडामा एमाले ५१ प्रतिशत हुनुपर्ने बताए । उनले हरेक टोल र घरमा पार्टीको संगठन पुर्याउनु पर्ने बताए । मिशन ८४ मा बहुमत मात्रै होइन कम्तिमा ५१ प्रतिशत एमाले हुनु पर्ने बताए ।

काठमाडौं । अर्थ समिति सभापति सन्तोष चालिसेले अर्थसमितिले सरकारलाई दिएका ८० प्रतिशत निर्देशन कार्यान्वयन नभएको बताएका छन् ।

शुक्रवार बसेको प्रतिनिधि सभा अन्तर्गतको अर्थसमितिले समितिको बैठकमा बोल्दै सभापति चालिसेले यस्तो बताएका हुन् । उनले सरकारले समितिले दिएका निर्देशन पालना नगरे बैठक नै नबस्ने बताए ।

बैठकको भत्ता मात्रै लिनको लागि बैठक बसेर निर्देशन दिने तर सरकारले कार्यान्वयन नगर्दा नकारात्मक सन्देश गएको उनको भनाइ छ । समितिले अहिलेसम्म दिएका निर्देशन पालना नभएको र सरकारले गरेका निर्णय कार्यान्वयनको विषयमा समितिले व्यापक छलफल गरी अनुगमन गर्न आवश्यक रहेको चालिसेले बताए ।

उनले भने,‘ठूलो रकमको विदेशी मदिराहरु वीरगञ्ज भन्सारमा रहेको र आयात गर्ने मानिस सम्र्पक विहीन भएको कुरा आएको छ । सरकारको राजश्व नउठेर समिति राजश्वको कुरामा चिन्तित छौं । भन्सारमा राजश्व उठ्ने कुरामा त्यतिकै थन्किएर बसेका छन् । अर्थमन्त्रीले दुई महिनाभित्र भन्सारमा रोकिएका सवारी साधन लगायतका वस्तुहरु भन्सारबाट निकाल्न निर्देशन दिएको कति महिना भयो । काम भयो भएन भन्नेकुरा छ । यति धेरै राजश्व आउने कुरामा हामी सुतेर बसेको छौं । अहिले भन्सार प्रमुखले फोन गरेर अर्थ समितिलाई बोलाएर अनुगमन गरिदिन माग गर्नुभएको छ । समितिले आजसम्म गरेका समितिका निर्णयहरु ८० प्रतिशत कार्यान्वयन भएका रहेनछन् । ८० प्रतिशत समितिका निर्देशन सरकारले पालना गर्दैन भने समितिको बैठक मात्रै बसेर नकारात्मक सन्देश गयो । सरकारले समितिको निर्देशन पालना नगरे समितिको बैठक बस्दैनौं ।’

काठमाडौं । राजधानी काठमाडौंमै भएर पनि विकास र मूलप्रवाहबाट टाढा परेको शंकरापुर नगरपालिका ८ मणिचुडस्थित वनदेवी आधारभूत विद्यालयका विद्यार्थीहरुले अब भने कम्युटर शिक्षा लिन पाउने भएका छन् ।

काठमाडौंको चाबहिलदेखि करिब २० किलोमिटरको दूरीमा रहेको वनदेवी आधारभूत विद्यालयमा शतप्रतिशत तामाङ समुदायका विद्यार्थीहरु अध्ययनरत छन् । कक्षा ८ सम्म पढाई हुने सो विद्यालयमा १५ थान कम्प्युटरसहितको अत्याधुनिक ल्याब सञ्चालनमा आएको छ । सफा सुनौलो नेपाल र लेटर डे सेन्ट च्यारिटीको आर्थिक सहयोगमा बनेको सो कम्युटर ल्याबको कांग्रेस नेता डा.शेखर कोइरालाले बुधबार उद्घाटन गरेका हुन् ।

समाजसेवी स्व.राकेश हमालको स्मृतिमा सो विद्यालयमा ६ कोठे सुविधासम्पन्न भवन पनि गत वर्षदेखि सञ्चालनमा आइसकेको छ । कम्युटर ल्याब र स्व.हमालको अर्धकदको सालिक अनावरण कार्यक्रममा महिला, बालबालिका तथा समाजकल्याण मन्त्री सुरेन्द्रराज आचार्यले विद्यालयको स्तरोन्नतिमा सरकारले थप सहयोग गर्ने प्रतिवद्धता पनि जनाएका छन् ।

सफा सुनौलो नेपालकी महासचिव सुनिला हमालले काठमाडौंकै कर्णालीका रुपमा रहेको मणिचुड क्षेत्रका तामाङ विद्यार्थीहरुको शिक्षाका लागि संस्थाले विभिन्न सहयोग कार्यक्रम निरन्तर राख्ने बताइन् । उनले सो विद्यालयका विद्यार्थीहरुका लागि बस र बाटोको टड्कारो आवश्यकता रहेको बताइन् । समुद्री सतहदेखि २ हजार २ सय मिटर उचाईमा रहेको सो विद्यालयमा पढ्न आसपासका क्षेत्रबाट घण्टौ हिडेर विद्यार्थीहरु पुग्नुपर्ने बाध्यता रहेको छ ।

सफा सुनौलो नेपालले सो विद्यालयमा ६ कोठे पक्की भवन, कम्युटर ल्याब र बालविकास कक्षका लागि आवश्यक अध्ययन एवं खेलसामाग्रीसमेत उपलब्ध गराएको छ ।